Farkındalık Şiirleri 5- Oğlum İbrahimə nəsihət olsun!
Nefes21 Akademi 2021 Eğitim Projesi Şiir Yarışması Dördüncüsü
Nefes21 Akademi 
Oğlum İbrahimə nəsihət olsun!
Sev! Sev oğul, sevgi səni qatarlara mindirsin, dünyaları gəzdirsin!
Kainatı sevginlə qucaqla
İnsanlıq sevgiyə möhtacdır, oğul.
Bir damla sevgi min günəşin işığı və enerjisidir.
Sən sevgini əsirgəmə, yay sevgini, yay, oğul!
Sevgidir Allaha gedən yol,
O yolu tap, o yoldan tut, ordaca qal oğul!
Nəfəs al, ver...
Nəfəsi vərənə də, alana da şükür edə-edə...
Haydan gəlib üzü Huya gedə-gedə...
Nəfəs alan ol oğul, buğdanı unut
Nəfəs əhli ol, nəfəsinlə ovut!
Fərqinə varmadan özünü həlak etməyə dəyməz
Zehnin fərqindəliklə pöhrələnir, oğul.
Qızılgülü qoxlamasan, Peyğəmbəri anmazsan
Bəlkə də bir toxunuşla qoxusunu alarsan?!
Kəpənəyin uçuşunu seyr etmədən,
Buludların yağış adlı şikayətini dinləmədən
Cadar olmuş torpağın su yanğısını anlamazsan
“Allah bağışlayandır”! oğul,
Bağışlanma nə gözəl bir nemətdir.
Elə isə ilk öncə özünlə, daha sonra ətrafınla sülh içində ol!
Düşünmə ki, yenilərsən,
Qürurunu tərbiyə et!
Bağışla ki, xoş enerjin sabit dursun
Bağışla ki, könül gözün açıq qalsın
Bağışla ki, həqiqəti görə bilmək nəsib olsun
Sən bağışla və daxilən rahatlıq tap!
Kini, küdurəti sil ürəyindən
Qınama!
Öz əlinlə dəvət məktubu yazmaqdır qınamaq.
Sən qınarsan, o sənə doğru gələr
Ruhunu incidər, qəlbini dələr.
- Yaxşı ki mənim üçün varsan anacan.
Öyüd - nəsihətin yararlı olsun!
Mənə dediklərin bu xoş niyyətlər,
Həyat yollarıma çıraq tutsun!!
Leyla Mahmudova- Azərbaycan
En güncel gelişmelerden hemen haberdar olmak için Telegram kanalımıza katılın!
