Kainatın İlahi Dili 23

Həyatımın çətin anlarını yaşayırdım. İllər boyu əziyyət çəkməyimə baxmayaraq, arzuladığım məqama nəinki çata, heç yaxınlaşa da bilmirdim. Məsuliyyətimdə olan vacib işlərin belə öhdəsindən gəlməyi bacarmırdım. Çoxlarının yolunda özümü fəda etməyimə baxmayaraq, qədrimi bilən olmadı. Nədənsə bütün problemlər mənim başıma gəlir, bütün çətinliklər məni tapırdı... Aldığım zərbələrdən çox yorulmuşdum... Cəmiyyətin tələb etdiyi “yaxşı insan” modelini bacardığım qədərilə ən gözəl şəkildə təqdim etməyə cəhd etsəm də, palçığa batmış maşın kimi sürətimi artırmağa çalışdıqca daha da batırdım. Olduqca çıxılmaz bir vəziyyətə düşmüşdüm. Lakin qorxduğum şeylərin başıma gəldiyinin fərqinə vardığım anda qəflət yuxusundan ayıldım. Məhz həmin an mənim üçün OYANIŞ başladı.

Sep 8, 2021 - 12:24 Bu yazıyı 7 dakika okuyabilirsiniz.

1142 0

Bu mərhələyə qədər hər şey yolunda idi. Sanki artıq rahatlıq tapmışdım. Özümü sevib dəyər verdikcə insanların da mənə dəyər verməyə başladığını gördüm. Buna baxmayaraq, həyatı problemsiz yaşamaq mümkün olmurdu. Keçdiyim yolları təhlil edərkən gördüm ki, keçmişdə tənqid və ittiham etdiyim hadisələr eynilə mənim də başıma gəlir.

Bu günə kimi tənqidi yanaşdığım, ittiham etdiyim, “Mən olsaydım, heç vaxt belə etməzdim!” dediyim çox şey artıq mənim də başıma gəlmişdi. Necə deyərlər: öz tüpürdüyümü yalayırdım.

Düşdüyüm bu vəziyyət mənə başqa insanları tənqid və ittiham etmək, günahlandırmaq əvəzinə, onların həyat tərzinə tolerant yanaşmağı və hörmət etməyi öyrətdi. Hər kəs öz həyat təcrübəsini yaşayırdı və mənim başqalarının həyatını müzakirə etməyə, etdiklərinə görə onları günahlandırmağa heç bir ixtiyarım yox idi.

Mən əvvəllər hamının hər davranışını tənqid edir və məsələləri “öz doğrularıma” görə qiymətləndirirdim. Artıq ağlımı başıma topladım və hər kəsin həyat tərcrübəsini azad şəkildə yaşamasına icazə verdim. Bunu başa düşdükdən sonra öz övladıma və ətrafımdakılara belə dedim:

“İNSANLARI QINAMAQDAN, TƏNQİD ETMƏKDƏN VƏ GÜNAHLANDIRMAQDAN ÇƏKİNİN”.

Bu günə qədər bilərəkdən və ya bilməyərəkdən qınadığım hər kəsdən;

Üzr istəyirəm,

Bağışlanmağımı diləyirəm,

Onları sevirəm,

Onlara təşəkkür edirəm.

Anladım ki, qınadığım hər şey öz başıma gəlir. Niyyət edirəm ki, başqasını qınamağın necə bir davranış olduğunu hamı dərk etsin. Belə etsək, dedi-qodu, bədnəzər, başqasının arxasınca danışmaq kimi xoşagəlməz hallar aradan qalxar. Hər kəsin qarşısındakına ötürmək istədiyi enerji öz sahibinə eyni şəkildə geri dönər. Deməli, mən öz düşüncələrimi nəzarət altında saxlamalı, eyni şəkildə başqalarının da mənim haqqımda dediklərinə əhəmiyyət verməməliyəm. Onsuz da, mənim haqqımda nə düşünsələr əvvəl-axır eynisi onların da başına gələcək.

“İNSANLARI QINAMAQDAN, TƏNQİD ETMƏKDƏN VƏ GÜNAHLANDIRMAQDAN ÇƏKİNİN”.

Bu günə qədər bilərəkdən və ya bilməyərəkdən qınadığım hər kəsdən;

Üzr istəyirəm,

Bağışlanmağımı diləyirəm,

Onları sevirəm,

Onlara təşəkkür edirəm.

“İNSANLARI QINAMAQDAN, TƏNQİD ETMƏKDƏN VƏ GÜNAHLANDIRMAQDAN ÇƏKİNİN”.

Bu günə qədər bilərəkdən və ya bilməyərəkdən qınadığım hər kəsdən;

Üzr istəyirəm,

Bağışlanmağımı diləyirəm,

Onları sevirəm,

Onlara təşəkkür edirəm.